Wayan: “Bapa, apa madan ‘blabar’?”
Bapa: “Banjir ento basa Baline ‘blabar’. Blabare ento yeh ujan ane liu mentas di tukade. Ento madan ‘blabar’. Ipidan tongos blabare di tukad-tukade lan di pangkung-pangkunge.”
Nyoman: “Jani adi blabare di perumahan, di pertokoan, di kawasan villa, di mall? Kenken ento bapa?”
Bapa: “Ento ulian cai ajak timpal-timpal caine ngurug bantaran tukad, ngurud sempadan pangkung, ditu nyujukang villa perumahan elit. Rejeng-rejenge telah suba dadi hotel. Di abing-abinge timpal cai ngae kapling villa lan perumahan. Aungan telabah telah cai urug. Ento mekejang rurung yeh ujan suba cai urug. Jani sing maan rurung membah yeh ujane. Ento ngranayang blabare jani menek ke perumahan, villa, peken, kos-kosan, lan pertokoan. Bingung yeh ujane ngalih tongos membah.” [T]
Penulis: Sugi Lanus
Editor: Adnyana Ole
